Сингапурда қазақстандық оқушылар робототехникадан халықаралық чемпионатта рекорд орнатты
АСТАНА. KAZINFORM — Сингапурда өткен First Lego League Challenge робототехникадан халықаралық чемпионат аяқталды. Оған Оңтүстік Корея, Малайзия, Польша, Индонезия және Қытайдан 100-ден астам оқушы қатысты. Аталған додада қазақстандық оқушылар әлемнің жас инженерлерімен бәсекеге түсті. Үш күнге созылған жарыс қорытындысы бойынша қазақстандықтар ең жоғары марапаттарға ие болып, рекорд орнатты. Бұл туралы ҚР Оқу-ағарту министрлігі хабарлады.