Уақыт белдеуін өзгертуге қатысты сауалнама eGov қосымшасынан жоғалып кетті
ЕGov mobile қосымшасынан Қазақстандағы уақыт белдеуін өзгертуге қатысты сауалнама жоғалып кетті, - деп хабарлайды Tengrinews.kz тілшісі.
Әлеуметтік желі қолданушылары қосымшада сауалнаманы таба алмағандарын айтты.
"Бұл сауалнама өзектілік мерзімі аяқталғандықтан жариялаудан алып тасталды", – делінген қосымшаның "Хабарламалар" бөлімінде.
Tengrinews.kz тілшісі пікір алу үшін "Ұлттық ақпараттық технологиялар" АҚ баспасөз қызметіне жүгінді. Алайда мекеме өкілдері пікір білдіруден бас тартты.
Еске салайық, бұған дейін eGov mobile қосымшасында қазақстандықтарға уақыт белдеуін өзгертуге қатысты сауалнамаға қатысып, бірнеше сұраққа жауап беру ұсынылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!