Алматыдағы BRT: Досаев құрылыстың басталу мерзімін атады
Алматы әкімі Ерболат Досаев Райымбек даңғылы мен Желтоксан көшесі бойындағы автобус желісінің құрылысы неге кейінге қалдырылғанын түсіндірді, - деп хабарлайды Tengrinews.kz тілшісі.
СҚО брифингінде Досаев Алматыдағы BRT (жылдам автобус желілері) желілерін ұзарту туралы сұраққа жауап берді.
"BRT жобасы екі кезеңге бөлінген болатын: бірі Пушкиннен Ахременко көшесіне дейін, екіншісі батыс бағытта, "Алтын Ордаға" дейін. Тамызда біз бірінші кезең бойынша сараптама қорытындысын алдық және байқау жариялауға дайын болдық. Бірақ сарапшылармен және қала тұрғындарымен кездесу өткізгеннен кейін, олар құрылысты бірден екі жақтан – "Алтын Орда" мен Пушкиннен бастауға кеңес берді. Қазір екінші кезең бойынша сараптаманың аяқталуын күтіп отырмыз. Жоба бойынша сараптама 25 желтоқсанға дейін аяқталуы керек. Қаңтарда байқау жариялап, наурызда құрылысты бастаймыз", – деді Алматы әкімі.
Досаевтың айтуынша, Алматыдағы BRT желісін Желтоксаннан Райымбекке дейін жалғастыру үшін арнайы техникалық шарттар қажет. Жақында бірінші рет жолақтардың ені 3,75 метрге дейін қысқартуға рұқсат берілді, бұл қосымша жолақ ұйымдастыруға мүмкіндік берді. Екі жылдам автобус желісі бойынша жұмыстар 2025 жылдың ая5ына дейін аяқталады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!