Қазақстанда бүгін ауа райы қандай болады?
Синоптиктер 20 желтоқсанда елдің барлық өңірінде ауа райына байланысты ескерту жасады, - деп хабарлайды Tengrinews.kz тілшісі.
Алматы облысының таулы аудандарында кей уақыттарда қалың қар жауады, жаяу бұрқасын соғады. Облыстың басым бөлігінде көктайғақ болады. Жел оңтүстік-шығыс бағыттан оңтүстік-батыс бағытқа ауысады, облыстың оңтүстігінде, таулы аудандарында екпіні секундына 15-20 метрге жетеді.
Алматыда күндіз көктайғақ.
Қостанай облысының басым бөлігінде, күндіз солтүстігінде, шығысында бұрқасын. Облыстың солтүстігінде тұман. Оңтүстік-батыстан соғатын жел солтүстік-батысқа ауысады, облыстың шығысында, оңтүстігінде екпіні - 15-20 м/с.
Маңғыстау облысының батысында, солтүстігінде, орталығында көктайғақ болады. Оңтүстік-шығыстан жел соғады, түнде облыстың солтүстігінде, шығысында, орталығында секундына 15-20 метрге жетеді.
Түркістан облысының оңтүстігінде, таулы және тау бөктерлі аудандарында жауын-шашын (жаңбыр, қар) мол түседі. Кей уақыттарда көктайғақ, облыстың солтүстігінде, таулы және тау бөктерлі аудандарында жаяу бұрқасын. Облыстың солтүстігінде, батысында, оңтүстігінде, таулы және тау бөктерлі аудандарында тұман. Оңтүстік-батыстан, батыстан жел соғады, облыстың солтүстігінде, батысында, оңтүстігінде, таулы және тау бөктерлі аудандарында күші 15-20, облыстың тау асуларында екпіні 23-28 м/с болады.
Шымкентте түнде және таңертең жауын-шашын (жаңбыр, қар) мол түседі, көктайғақ, күндіз жаяу бұрқасын, оңтүстік-батыстан, батыстан жел соғады, екпіні секундына 15-20 метрге жетеді.
Жамбыл облысының таулы және тау бөктерлі аудандарында қалың қар жауады, жаяу бұрқасын соғады. Облыстың солтүстігінде, оңтүстігінде көктайғақ болады. Облыстың оңтүстігінде, таулы аудандарында тұман түседі. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында екпіні 23-28 м/с болады.
Атырау облысының шығысында жаяу бұрқасын. Оңтүстік-батыстан жел соғады, түнде облыстың шығысында, оңтүстігінде екпіні 15-20 м/с-ке жетеді.
Қызылорда облысының оңтүстігінде, солтүстігінде, орталығында көктайғақ, бұрқасын. Жел оңтүстік-батыстан, батыстан соғады, облыстың басым бөлігінде күші - 15-20 м/с.
Ақмола облысында бұрқасын, көктайғақ. Оңтүстік-батыстан жел соғады, облыстың батысында, солтүстігінде, шығысында екпіні секундына 15-20 метрге жетеді.
Астанада кей уақыттарда жаяу бұрқасын, көктайғақ. Оңтүстік-батыстан жел соғады, екпіні секундына 15-20 метрге жетеді.
Батыс Қазақстан облысының солтүстігінде, шығысында тұман түседі.
Қарағанды облысының батысында кей уақыттарда қалың қар жауады. Облыстың батысында, солтүстігінде, оңтүстігінде бұрқасын. Оңтүстік-батыстан жел соғады, облыстың батысында, солтүстігінде, оңтүстігінде екпіні 15-20, кей уақыттарда 23 м/с-ке жетеді.
Павлодар облысының батысында, солтүстігінде, оңтүстігінде жаяу бұрқасын, көктайғақ. Оңтүстіктен жел соғады, облыстың батысында, солтүстігінде екпіні 15-20 м/с болады.
Солтүстік Қазақстан облысында қар, түнде облыстың солтүстігінде, шығысында қалың қар жауады. Бұрқасын, облыстың солтүстігінде, шығысында көктайғақ. Түнде және таңертең облыстың батысында тұман түседі. Оңтүстік-батыстан, батыстан жел соғады, облыстың солтүстігінде, шығысында, оңтүстігінде екпіні секундына 15-20 метрге жетеді.
Абай облысының батысында, солтүстігінде, орталығында бұрқасын. Жел оңтүстік-шығыстан, оңтүстіктен соғады, облыстың батысында, солтүстігінде, орталығында 15-20, облыстың орталығында екпіні 23 м/с болады.
Ақтөбе облысының солтүстігінде, шығысында, оңтүстігінде жаяу бұрқасын. Солтүстік-батыстан, батыстан жел соғады, облыстың солтүстігінде, шығысында, оңтүстігінде екпіні 15-20 м/с болады.
Шығыс Қазақстан облысының батысында, солтүстігінде жаяу бұрқасын. Жел оңтүстік-шығыстан, оңтүстіктен соғады, облыстың оңтүстік-шығысында екпіні секундына 15-20 метрге жетеді.
Ұлытау облысының шығысында кей уақыттарда қалың қар жауады, бұрқасын. Оңтүстік-батыстан жел соғады, облыстың солтүстігінде, шығысында, орталығында екпіні 15-20 м/с болады.
Жетісу облысының таулы аудандарда қалың қар жауады. Түнде облыстың батыс бөлігінде, күндіз таулы аудандарда жаяу бұрқасын. Күндіз көктайғақ болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!