ШҚО-да әкімдік балалар үйінің түлегін баспанадан айырған
ШҚО прокурорлары балалар үйінің түлегіне тұрғын үй алу құқықтарын қайтаруға көмектесті, - деп хабарлайды Tengrinews.kz тілшісі.
Шемонаиха ауданының прокуратурасы әлеуметтік желілерде мониторинг жүргізу барысында балалар үйінің түлегі А.В.О-ның құқықтарының бұзылғанын анықтады
"Ол балалар үйінде болған кезеңде Шемонаиха қаласында орналасқан тұрғын үй мен жер учаскесі аудан әкімдігі тарапынан заңсыз үшінші тұлғаларға берілген. Аудандық прокуратура қызметкерлері тәрбиеленушіге сотқа талап арызын дайындау мен оны беру барысында құқықтық көмек көрсетті. 2024 жылдың мамырында Шығыс Қазақстан облысының әкімшілік істер жөніндегі мамандандырылған ауданаралық сотының шешімі бойынша, А.В.О. талап-арызы қанағаттандырылып, дауласқан нысанға қатысты құқық белгілейтін құжаттар жарамсыз деп танылды", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!