Алматыдағы жол жөндеу жұмыстарының жоспары белгілі болды
Биыл Алматыда шамамен 300 шақырым жолға, 30 шақырым жаяу жүргіншілер жолына орташа жөндеу жүргізу, сондай-ақ 35 шақырым жаңа жол салу жоспарланған, - деп хабарлайды Tengrinews.kz тілшісі қала
"Жас Қанат, Шұғыла, Әлмерек, Ақжар, Рахат, Мәдениет және Боралдай шағынауданы сынды қалаға қосылған аумақтарда жаңа жол салу 70 мыңнан астам тұрғынға көлік қатынасын едәуір жақсартуға мүмкіндік береді", - делінген хабарламада.
Бұл жұмыстар қаладағы сапалы жолдардың үлесін 2024 жылы 92 пайыздан 2025 жылы 95 пайызға дейін арттыруға септігін тигізетіні айтылды. Еске салайық, былтыр Алматыда ұзындығы 250 шақырым болатын 255 көше жөнделіп, 25 шақырым жаңа жол салынған, Құлжа тасжолы 6 жолаққа дейін кеңейтіліп, Саин – Мөңке би жолайырығында қозғалыс ашылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!