ЦРУ-дың бұрынғы сарапшысы құпия мәліметтерді жария еткенін мойындады
Әділет министрлігінің мәлімдемесіне сүйенсек, 2024 жылдың көктемінен бастап, қарашасына дейін Рахман жұмыста таныс болған құпия ақпараттарды "оларды алуға құқығы болмаған көптеген адамдармен бөліскен".
Рахман 2016 жылдан бері барлау басқармасында істеген. Прокурорлардың айтуынша, сарапшы құпия құжаттарды заңсыз түрде жүктеп алып, оларды жұмыста қағазға басып шығарып, үйіне алып кеткен. Дереккөзді жасыру үшін құжаттарды өзгерткен. Бұдан кейін ол мәліметтерді таратқан.
Құпия ақпарат соның салдарынан Telegram-арнасында жарияланған, оларды Иран билігімен байланысты телеграм-арналар да жариялаған.
34-жастағы Рахман – Калифорнияда туып-өскен, атақты Йель университетінің түлегі. Ол былтыр Камбоджада ұсталып, кейін АҚШ-қа тиесілі Гуам аралына жеткізілген. Ұлттық қауіпсіздікке қатысты "құпия ақпаратты заңсыз сақтады және заңсыз таратты" деп айыпталған Рахманға 20 жыл түрме жазасы қаупі төніп тұр.