Жамбыл облысында полицей азаптау ісі бойынша күдікке ілінді
"29 қаңтарда Жамбыл облысының прокурорлары азаматтардың конституциялық құқығының сақталуын видеокамера арқылы тексеріп, Рысқұлов ауданы полиция бөлімшесі басшысы орынбасарының қылмыстық іске күдіктіні азаптау фактісі анықталды" дейді прокуратура.
Ведомство азаптауға 12 жыл түрме жазасы қарастырылғанын ескертеді.
2023 жылы наурызда Қазақстанда азаптауды алдын алу үшін түрмелер мен полиция мекемелеріне бейнебақылау камераларын орнатқан.
Қазақстан Азаптауға қарсы халықаралық актіні ратификациялаған еді. Алайда құқық қорғаушылар азаптауға байланысты істер сотқа жетпейді, азаптағандар жазасыз қалады деп бірнеше рет мәлімдеген.
Қазақстандағы адам құқығы бойынша бюро "2009 жылдан бері Қазақстаннан БҰҰ-ға азаптау бойынша көп шағым түскен, бірақ Қазақстан билігі БҰҰ шешімінің заңдық күші жоқ, жай ұсыныс деп қабылдайды" дейді.