Қазақстан спортшылары Азия ойындарында күміс медаль жеңіп алды

Қытайдың Харбин қаласында өтіп жатқан Азия ойындарында Қазақстан шорт-трекшілері 2000 метр қашықтықтағы аралас эстафетада екінші орын алып, күміс жүлде иеленді. Дәл осындай жетістікке конькимен жүгіруші Евгений Кошкин де қол жеткізді.

Шорт-тректен аралас эстафетаға Қазақстан атынан Денис Никиша, Әділ Ғалиахметов, Яна Хан және Малика Ермек қатысқан. Бұл сында бірінші орынды Оңтүстік Корея, үшінші орынды Жапония спортшылары алды.

Евгений Кошкин 100 метрге жүгіріп, екінші орын алды. Бірінші орын қытайлық Гао Тиньююға, үшінші орын Оңтүстік Корея спортшысы Джун Хо Кимге бұйырды.

Қысқы Азия ойындары 7 ақпанда ашылған. Жарыс Харбин және Ябули қалаларында өтіп жатыр. Ұлттық олимпиадалық комитеттің мәліметінше, Қазақстан бұл жарысқа 137 спортшысын жіберген. Олар барлығы 51 медаль жиынтығы сарапқа салынатын 10 жарыс түріне қатысады.

Комитеттің мәлімдеуінше, бұл ойындарда барлығы "6 спорт түрі мен 11 дисциплина бойынша 64 спорттық оқиға" өтпек. Олардың арасында шорт-трек, конькимен жүгіру, мәнерлеп сырғанау, шайбалы хоккей, керлинг, шаңғы жарысы биатлон және шаңғы альпинизм бар.

Жарыс 14 ақпан аяқталады.