Қар, тұман және 27 градус аяз: 19 ақпандағы ауа райы болжамы
Қазгидромет сәрсенбі, 19 ақпанда Қазақстан тұрғындарын қандай ауа райы күтетінін айтты, - деп хабарлайды Tengrinews.kz тілшісі.
АстанаЕлордада ауа райы құбылмалы бұлтты, аздаған қар жауады. Жел оңтүстік-шығыстан 3-8 м/с жылдамдықпен соғады. Ауа температурасы түнде -12...-14°C, күндіз -4...-6°C.
АлматыАлматыда ауа райы құбылмалы бұлтты, жауын-шашынсыз. Түнде және таңертең тұман, жолдарда көктайғақ болады. Желдің жылдамдығы 0-5 м/с. Ауа температурасы түнде -4...-6°C, күндіз +4...+6°C.
ШымкентҚалада ауа райы құбылмалы бұлтты, таңертең және күндіз жаңбыр жауады. Жел оңтүстік-батыстан 5-10 м/с. Ауа температурасы түнде 0...+2°C, күндіз +11...+13°C.
Ақмола облысыОблыстың батысы мен солтүстігінде қар, боран соғады, оңтүстігі мен шығысында аздаған қар жауады. Түнде және таңертең батыс пен солтүстікте тұман болады. Жел оңтүстік-шығыстан солтүстік-шығысқа ауысып, 9-14 м/с жылдамдықпен соғады. Түнде -10...-15°C, оңтүстік-шығыста -18°C. Күндіз -4...-9°C. Көкшетауда қар жауады, боран күтіледі. Жел солтүстік-шығыстан 5-10 м/с. Түнде -10...-12°C, күндіз -7...-9°C.
Алматы облысыЖауын-шашынсыз. Облыстың оңтүстігі мен таулы аймақтарында тұман, жолдарда көктайғақ болады. Жел шығыстан 9-14 м/с. Түнде -3...-8°C, солтүстігі мен таулы аймақтарда -13...-18°C. Күндіз +1...+6°C, солтүстігі мен таулы аудандарда -3...-8°C. Қонаев қаласында бұлтты, жауын-шашынсыз. Түнде -6...-8°C, күндіз +2...+4°C.
Жетісу облысыЖауын-шашынсыз. Түнде және таңертең шығыс, орталық және таулы аудандарда тұман. Жел солтүстік-шығыстан 9-14 м/с, Алакөл маңында екпіні 17-22 м/с. Түнде -11...-16°C, оңтүстікте -6°C, орталық және таулы аудандарда -20°C. Күндіз -2...+3°C, оңтүстікте +6°C, шығыс пен таулы аудандарда -8°C. Талдықорғанда бұлтты, жауын-шашынсыз. Түнде -14...-16°C, күндіз +1...+3°C.
Түркістан облысыТаңертең және күндіз батыс, оңтүстік және таулы аудандарда жаңбыр жауады. Тұман түседі. Жел оңтүстік-батыстан 8-13 м/с, таулы өткелдерде 15-20 м/с. Түнде 0...+5°C, солтүстікте -3°C.Күндіз +9...+14°C, солтүстікте +5°C. Түркістанда бұлтты, таңертең және күндіз жаңбыр жауады. Түнде 0...+2°C, күндіз +9...+11°C.
Батыс Қазақстан облысыКүндіз шығыста аздаған қар жауады. Солтүстікте тұман болады. Жел солтүстік-шығыстан 7-12 м/с. Түнде -17...-22°C, оңтүстікте -14°C. Күндіз -5...-10°C, оңтүстікте -2°C. Орал қаласында бұлтты, жауын-шашынсыз. Түнде -18...-20°C, күндіз -8...-10°C.
Атырау облысыОңтүстік пен шығыста қар, боран күтіледі. Жел солтүстік-солтүстік-шығыстан 9-14 м/с. Түнде -7...-12°C, шығыста -16°C. Күндіз -2...-7°C, шығыста -10°C. Атырауда таңертең және күндіз қар жауады, боран болады. Түнде -10...-12°C, күндіз -5...-7°C.
Маңғыстау облысыБатыс, солтүстік және орталық бөліктерде жауын-шашын (жаңбыр, қар) күтіледі, көктайғақ болады. Жел солтүстік-шығыстан 9-14 м/с. Түнде 0...-5°C, солтүстікте -8°C. Күндіз 0...+5°C, солтүстікте -3°C. Ақтауда бұлтты, түнде және таңертең жаңбыр, қар жауады, көктайғақ болады. Түнде 0...-2°C, күндіз +2...+4°C.
Қызылорда облысыШығыста таңертең және күндіз аздаған жауын-шашын (жаңбыр, қар) күтіледі. Солтүстігі мен орталығында тұман болады. Жел солтүстік-солтүстік-батыстан 9-14 м/с. Түнде 0...-5°C, солтүстікте -8°C. Күндіз 0...+5°C, шығыста +8°C. Қызылордада бұлтты, жауын-шашынсыз. Түнде -3...-5°C, күндіз +3...+5°C.
Сілтемесіз жаңалық оқисыз ба? Онда Telegram желісінде парақшамызға тіркеліңіз!