Демократиялық қоғамда журналистер биліктің есеп беруін талап етіп, қоғамдық пікірдің қалыптасуына түрткі болады. Америкалық ғалым Том Розенстил «журналистика демократияның құралы» дейді. Журналистер ақпарат жеткізу қызметін бейтарап орындап, билікке мониторинг жүргізсе, қоғамдық форумға атсалысса, елде демократиялық институттар қалыптасады, азаматтар елдегі саяси өзгерістерге етене араласа алады. Бүгінгі демократия сабағы медианың қоғамдағы рөліне арналады.
