Бас прокуратура Шымкент әкімінің орынбасары Руслан Берденовке жасалған шабуылды тергеуге қатысты пікір білдірді, - деп хабарлайды Tengrinews.kz тілшісі. Tengrinews.kz сауалына берген жауабында ведомство бұл іспен Шымкент қалалық Полиция департаменті айналысып жатқанын мәлімдеді.Қылмыстық кодекстің 24-бабының 3-бөлігі (Қылмысқа дайындалу және қылмысқа оқталу) және 99-бабы 2-бөлігінің 6-тармағы ("Басқа адамдардың өміріне қауіпті тәсілмен жасалған кісі өлтіруге оқталу") бойынша тергеу жүргізіліп жатыр. Прокуратура қазір тергеу жүріп жатқанын, бірақ егжей-тегжейі айтылмайтын жеткізді, бұған заңмен тыйым салынған. Берденовке жасалған шабуыл Еске салайық, 21 сәуірде Шымкент қаласы әкімдігі ғимараты маңында атыс болды. Салдарынан Руслан Берденов жарақат алды. Полиция мәліметінше, күдікті ұсталып, уақытша ұстау изоляторына қамалған, бұл дерек бойынша қылмыстық іс қозғалған. Кейінірек Руслан Берденовтің жағдайы белгілі болды. Берденов туралы не белгілі? Ол 1985 жылы 6 наурызда Шымкент қаласында дүниеге келген. 2006 жылы менеджмент мамандығы бойынша әл-Фараби атындағы Қазақ ұлттық университетін бітірген. 2009 жылы КИМЭП университетін Іскерлік басқару магистрі (MBA) дәрежесімен бітірді.
Еңбек жолын 2005 жылы "Алматы құс" ААҚ ("Сеймар" тобы) компаниясының бөлшек сауда директоры қызметінен бастады.2007 жылғы ақпан - 2010 жылғы шілде Procter & Gamble компаниясының бас логистикалық үйлестірушісі.2010 жылғы шілде - 2012 жылғы қараша Eastcomtrans ЖШС жылжымалы құрамды жалдау бөлімінің бастығы.2012 жылғы қараша - 2018 жылғы мамыр "Ақ ниет" ЖШС бас директоры.2018 жылғы қараша - 2019 жылғы сәуір "Ақ ниет" ЖШС байқау кеңесінің мүшесі.2019 жылғы сәуір - 2023 жылғы наурыз Aq niet Group байқау кеңесі төрағасының орынбасары.2023 жылғы 29 наурыздан бастап Respublica партиясының партиялық тізімі бойынша VIII сайланған Қазақстан Республикасы Парламенті Мәжілісінің депутаты, Қаржы және бюджет комитетінің мүшесі.2023 жылғы наурыздан бастап VIII сайланған Қазақстан Республикасы Парламенті Мәжілісінің депутаты болып Respublica партиясының партиялық тізімі бойынша сайланды. Биыл Шымкент қаласы әкімінің орынбасары болып тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Bungie continues to fire into its feet with both barrels: A new armor set in Destiny 2 has just been disabled because it makes the player who wears it completely invisible
If you'd like to see Meta's AI gunk purged from WhatsApp, a new antitrust investigation in Italy might just do the trick
Color Maze Adventure 2.0.0
«Деньги не пахнут»: Как Blox World наживается на доверии игроков Roblox
