Бұл суретке бір рет қараған адам оны ұмыта алмайды. Қураған жер. Әлсіреп еңбектеп бара жатқан бала. Ал оның артында — өлімді күткендей түнеріп тұрған өлексеқор қарақұс. Бұл — фотограф Кевин Картердің 1993 жылы Судандағы ашаршылық кезінде түсірген әйгілі фотосы. Әлемге ол «The Vulture and the Child» («Қарақұс пен бала») атауымен танылды. Аталған кадр 1994 жылы Пулитцер сыйлығына ие болды. Алайда бұл марапатпен бірге ауыр әрі даулы сұрақ та қатар туды:
«Неге көмектеспеді?»
Бұл сұрақ тек фотографқа ғана емес, тұтас адамзатқа қойылды. Себебі бұл фото — бір баланың ғана емес, миллиондаған тағдырдың бейнесі. Бұл — аштықтың шынайы келбеті. Бұл — адамзат ар-ұятына қойылған үнсіз айна....
