Әйел құқығы – адам құқықтарының ажырамас бөлігі. Алайда соған қарамастан, БҰҰ мен халықаралық ұйымдардың деректері әйелдер мен ерлер арасындағы теңсіздік әлі де сақталып отырғанын көрсетеді. Бұл мәселе білім беру, еңбек нарығы, саясат және қауіпсіздік салаларында айқын байқалады. Білім беру саласында гендерлік теңсіздік өзекті күйінде қалып отыр. UNESCO деректеріне сәйкес, әлемде 129 миллион қыз бала мектепке бармайды. Оның ішінде 32 миллионы бастауыш, ал 97 миллионы орта білім ала алмай жүр. Ерте некеге тұру, кедейлік және дәстүрлі көзқарастар қыз балалардың білім алуына басты кедергі болып табылады. Еңбек нарығында да әйелдердің жағдайы күрделі. Дүниежүзілік банк мәліметтері бойынша, әлемде әйелдер ерлермен салыстырғанда...
