Оқушылармен тәрбиелік бағыттағы кездесу өтті

2025 жылдың 26 қаңтарында Тараз қаласындағы №2 орта мектепте оқушылармен тәрбиелік бағыттағы кездесу өтті.
Аталмыш жиынға Тараз жастар орталығының мамандары, психологтар, «Қоғамдық келісім» мекемесінің қызметкерлері, Аналар кеңесінің өкілдері қатысты.
Кездесу барысында Медиация кабинетінің үйлестірушісі Валентина Досыбиева заң талаптарын сақтаудың маңыздылығына тоқталып, дау-жанжалдардың алдын алу және оларды бейбіт жолмен шешу қажеттігін атап өтті.
Сонымен қатар, ҚХА аймақтық Аналар кеңесі төрайымының орынбасары, республикалық дүнген этномәдени бірлестігінің Аналар кеңесінің төрайымы Сара Даузова Аналар кеңесі жүзеге асырып жатқан жобалар туралы кеңінен ақпарат берді.
Атап айтқанда, «Салауатты сана» жобасы аясында қоғамдағы бес кесел лудомания, нашақорлық, ысырапшылдық, вандализм, буллинг мәселесіне нақты мысалдар келтіре отырып, қарсы тұру мәдениетін жайлы кең талдау жасады. Сондай-ақ вандализмнің алдын алуға бағытталған «Барыңды бағала» жобасының маңыздылығына тоқталып, қолдауға шақырды.

Сообщение Оқушылармен тәрбиелік бағыттағы кездесу өтті появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.