Қазақстанда ветеринарлардың жалақысы кемінде 25% өсуі мүмкін
ҚР Парламенті Мәжілісінің Аграрлық мәселелер комитетінде ветеринария мәселелері бойынша заңнамаға түзетулер енгізу бойынша белсенді жұмыс басталды. Реформа саланың қазіргі жағдайын жақсарту және маман мәртебесін арттыру қажеттілігінен туындап отыр. Саланы дамытуға 27 млрд теңге бөлу жоспарлануда.
Заң жобасында қарастырылған негізгі өзгерістер:
Ветеринария мамандарының еңбекақысы кемінде 25%-ға өседі;
Қосымша төлемдер, соның ішінде екі лауазымдық айлықақы мөлшерінде сауықтыру жәрдемақысы енгізіледі;
Мамандарды арнайы киіммен және жұмысқа қажетті басқа да құралдармен қамтамасыз ету нормалары заң жүзінде бекітіледі.
"Бүгінгі таңда ветеринария саласындағы жұмыстың беделі төмен, сондықтан бізге бұл заң қажет. "Ауыл" партиясы фракциясының депутаттары мен басқа фракция өкілдері ветеринарлардың мүддесін қорғау үшін топтасты. Біздің мақсатымыз – тек жалақыны көтеру ғана емес, сондай-ақ ауыл мамандарының әлеуметтік жағдайын жақсарту", – деп атап өтті Серік Егізбаев.