Астанадағы көшелердің бірі жөндеу жұмыстарына байланысты бір аптаға жабылады
Астанада Сығанақ көшесінде жол төсемінің жоғарғы қабатын төсеу жұмыстары жүргізіліп жатыр, деп хабарлайды Tengri Auto елорда әкімдігіне сілтеме жасап.
Осыған байланысты 9-16 шілде аралығында Қабанбай батыр даңғылынан Арыс (М-3) көпіріне дейінгі учаскеде қозғалыс бір жақпен екі бағытта ұйымдастырылады.
Қозғалыс кезең-кезеңімен жабылады.
Жүргізушілер мен жаяу жүргіншілерден өз бағыттарын алдын ала жоспарлауды және жол қозғалысын ұйымдастырудағы ықтимал өзгерістерді ескеруді сұрайды.
Еске сала кетейік, 9-15 шілде аралығында Аманжолов көшесі толығымен жабылады.