Қазақстандық сейсмологтар Қырғызстандағы жер сілкінісін тіркеді

20 тамызға қараған түні қазақстандық сейсмологтар Қырғызстанда жер сілкінісін тіркеді, деп хабарлайды Tengrinews.kz.
Бұл туралы Қазақстанның ұлттық деректер орталығы мәлімдеді. Жедел ақпаратқа сәйкес, 20 тамыз күні Астана уақытымен сағат 00:08-де Қырғызстан аумағында магнитудасы 4,2 болатын жер сілкінісі болды.

Қырғызстан Ұлттық ғылым академиясының Сейсмология институтының мәліметінше, жер сілкінісінің ошағы Нарын облысындағы Көк-Жар ауылынан солтүстік-батысқа қарай 15 шақырым жерде орналасқан.Қырғызстан елді мекендерінде жер сілкінісінің күші келесідей болды:

Көк-Жар, Ақ-Қия ауылдарында – шамамен 3,5 балл,
Ақ-Бұлақ, Қара-Кеше, Мың-Құс, Жаңа-Талап, Ұғыт, Қос-Бұлақ ауылдарында – 3 балл болды.

Еске сала кетейік, 19 тамызға қараған түні қазақстандық сейсмологтар Қытайдағы екі жер сілкінісін тіркеген болатын.