БАӘ Иранмен экономикалық байланыстарды үзді

Біріккен Араб Әмірліктері Иранмен арадағы барлық сауда, коммерциялық алмасу және қаржылық операцияларды арнайы өкім шыққанға дейін тоқтатты. Өз аумағына жасалған жаңа зымыран соққысынан кейін ел көрші мемлекетпен экономикалық байланыстарын іс жүзінде үзді, деп хабарлайды Tengrinews.kz сайты Euronews.

"Аймақтағы шиеленістің күшеюіне байланысты ... Иранмен барлық сауда, коммерциялық алмасу және қаржылық операциялар арнайы өкім шыққанға дейін тоқтатылды", - деп мәлімдеді БАӘ СІМ Стратегиялық коммуникациялар департаментінің директоры Афра әл-Хамели.

Ол БАӘ халықаралық құқық пен ең қатаң әлемдік стандарттарға сәйкес халықаралық қаржы жүйесінің тұтастығын қорғауға берік екенін атап өтті.
Сондай-ақ министр екі ел арасындағы экономикалық қарым-қатынастардың жай-күйіне қатысты қауесеттерді жоққа шығарып, БАӘ-нің диалогқа, ынтымақтастыққа және аймақтық интеграцияға адалдығын тағы да растады.
Сейсенбі күні ертерек Абу-Даби Иранның елге қарай екі баллистикалық зымыран ұшырғанын мәлімдеп, кейінірек соққының сауда кемелеріне бағытталғанын нақтылады. Екі зымыран да теңізге құлаған, оның бірі Әмірліктердің аумақтық суларына түсті.
Тегеран БАӘ-ні нысанаға алғанын жоққа шығарды. Иран СІМ ресми өкілі Эсмаил Багаи "Иранның осы елге қарай зымыран ұшырғаны туралы БАӘ-нің мәлімдемесін үзілді-кесілді теріске шығарды".

Сәрсенбі күні АҚШ президенті Дональд Трамп Иранға қарсы бұрын-соңды болмаған ауқымдағы экономикалық соғыс пен оқшаулаудың басталғанын жариялады.