Президент Әкімшілігінің басшысы Роман Скляр Құрылтай сайлауында дауыс берді

Қазақстан Президенті Әкімшілігінің басшысы Роман Скляр Құрылтай депутаттарының сайлауында дауыс берді, - деп хабарлайды Tengrinews.kz Ақорданың баспасөз қызметіне сілтеме жасап.

Ол Астанадағы Тәуелсіздік сарайында орналасқан №520 сайлау учаскесінде дауыс берді.

Сайлау

Жексенбі, 23 тамызда, Қазақстанда бірпалаталы Парламент - Құрылтай депутаттарының сайлауы өтіп жатыр. Бұл 1991 жылдан бергі елдегі оныншы парламенттік сайлау. Сонымен қатар, бұл - Мәжіліс пен Сенат өз жұмысын тоқтатып, олардың депутаттары таратылғаннан кейін жаңа Конституция қабылданған соң өткізіліп жатқан алғашқы сайлау.

Енді Қазақстанда екіпалаталы Парламенттің орнына жаңа заң шығарушы орган - Құрылтай болады. Оның құрамына бес жылға сайланатын 145 депутат кіреді. Сайлаудан кейін депутаттар Құрылтай төрағасы мен оның үш орынбасарын бекітеді.

Құрылтайдағы 145 орын үшін жеті партия бақ сынап жатыр: "Әділет", "Ауыл", "Ақ жол", ЖСДП, "Байтақ", ҚХП және Respublica. Сайлау бюллетенінде "Бәріне қарсымын" деген нұсқа да бар.

Айта кетейік, уақыт айырмашылығына байланысты шетелдегі қазақстандықтар, соның ішінде Жапония мен Оңтүстік Кореядағы азаматтар бірінші болып дауыс берді. Қазақстанда 107 учаске сағат 6:00-де ашылса, қалғандары 7:00-ден бастап жұмысқа кірісті. Дауыс беру 20:00-ге дейін жалғасады. Барлығы 10 423 сайлау учаскесі ашылды. Тізімде 12,6 миллионнан аса сайлаушы бар.

Сондай-ақ Орталық сайлау комиссиясы (ОСК) бірпалаталы Парламент – Құрылтай сайлауына сайлаушылардың келуі туралы мәлімдеді. Сағат 12:00-дегі жағдай бойынша ақпаратты ОСК мүшесі Ләззат Сүйіндік жариялады. ОСК деректеріне сүйенсек, қазіргі уақытта 4 670 816 сайлаушы дауыс берген. Толығырақ: мына сілтемеде.