Қазақстанда Қауіпсіздік кеңесінің аппараты құрылды - Тоқаев жарлыққа қол қойды
Президент "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Жарлыққа қол қойды, деп хабарлайды Tengrinews.kz Ақордаға сілтеме жасап.
Жарлыққа сәйкес Қазақстан Республикасының Президентіне тікелей бағынатын және есеп беретін мемлекеттік орган ретінде Қазақстан Республикасы Қауіпсіздік Кеңесінің Аппараты құрылды.
Анықтама:Қазақстан Республикасының Қауіпсіздік Кеңесі — ұлттық қауіпсіздікті қамтамасыз ету, елдің қорғаныс қабілеті мен егемендігін қорғау саласындағы біртұтас мемлекеттік саясаттың жүргізілуін үйлестіретін конституциялық алқалы орган. Қазақстан Президенті лауазымы бойынша Қауіпсіздік Кеңесінің Төрағасы болып табылады.
Кеше бірінші шақырылымдағы Құрылтайдың бірінші сессиясының ашылуында сөйлеген сөзінде Қасым-Жомарт Тоқаев алдағы уақытта тағайындалатын Қауіпсіздік кеңесі төрағасының орынбасары лауазымы туралы хабарлаған еді.
«Құрылтай құрылымы қалыптасқаннан кейін мен депутаттардың қарауына вице-президент пен Премьер-Министрдің кандидатураларын ұсынамын. Содан кейін сіздермен кеңесе отырып, Үкімет мүшелерін тағайындаймын. Сонымен қатар Қауіпсіздік кеңесі төрағасы орынбасарының жаңа лауазымына тағайындау жасалады», — деді Президент.
20 тамызда Қасым-Жомарт Тоқаев Қауіпсіздік кеңесінің отырысын маңызды материалдар, оның ішінде сирек және сирек жер металдары саласын дамыту мәселелері бойынша өткізді.