Күмәнді дипломдары бар бастықтар жол құрылысы бойынша сатып алуларға қатысқан

Бас көлік прокуратурасы Қазақстандағы жол құрылысы мен жөндеу жұмыстарының сапасын бақылау және сатып алу саласында заңбұзушылықтарды анықтады, деп хабарлайды Tengri Auto.
Ведомствоның түсіндіруінше, сатып алуға қатысу үшін өнім берушінің штатында бейінді білімі бар учаске бастығы болуы шарт.
Құны 2,4 миллиард теңге болатын "Астана – Қабанбай" республикалық маңызы бар жолын орташа жөндеу бойынша сатып алудың жеңімпазы өзінде жұмыс істемейтін адамның құжаттарын ұсыну арқылы бұл талапты растаған.
Кейбір жағдайларда өтінімдерге учаске бастықтарының дипломдары қоса тіркелген, бірақ олардың түпнұсқалығы расталмаған.

"Прокуратураның ұсынысы бойынша "ҚазАвтоЖол" ҰК" АҚ жекелеген шаруашылық жүргізуші субъектілерді сатып алудың жоспарсыз қатысушылары деп тану туралы талап арызбен сотқа жүгінді. Олардың біреуі қанағаттандырылды, қалғандары өндірісте", - деп хабарлады прокуратура.

Заңбұзушылықтар жол жұмыстарын техникалық қадағалау кезінде де анықталды. Мамандар материалдардың сапасын және жұмыстың, соның ішінде жасырын жұмыстардың орындалуын бақылауға тиіс. Алайда кейбір жағдайларда техникалық қадағалаудың бір маманы бір мезгілде бес жол учаскесіне жауапты болған.
Прокуратура барлығы 19 жол нысанында жұмыс істеген алты жауапты тұлғаны анықтады.
Прокуратураның араласуынан кейін техникалық қадағалау мамандарының саны нысандар санына сәйкестендірілді. Заңбұзушылыққа жол берген кінәлі тұлғалар жауапқа тартылды.
Тағы оқыңыз: Қазақстанда жол жөндеуге артық 10 миллиард теңге жұмсалмақ болған