Батыста «революциялық жаңалық» деп танылған антибиотикті қазақ халқы ежелден білген

АСТАНА. ҚазАқпарат - Алматыда 1992 жылы «Қазақстан» баспасынан жарық көрген Ахмет Алдашев пен Жұлдызбек Әлімхановтың «Қазақтың халық медицинасының құпиясы» атты кітабы заманында оқырман таңданысын тудырған еңбек болғаны даусыз. Тәуелсіздіктің алғашқы жылдары өшкеніміз жанып, жоғалғанымыз табылып жатқанда халық медицинасының құпия-сыры бір кітапқа топтастылып, оқырманға жетуі құба-құп іс болған еді.