Алматыда ҰОС ардагері С. Жиенбаевқа арналған «Полковниктің өмір жолы» атты көрме ашылды (ФОТО)
АЛМАТЫ. ҚазАқпарат- Бүгін Алматыда Д. А. Қонаев музейінде ҰОС ардагері, отставкадағы полковник, Алматы қаласының құрметті азаматы Сұлтан Жиенбаевқа арналған «Полковниктің өмір жолы» атты көрме ашылды. Оған бүгінде 95 жасқа аяқ басқан ақсақал, ал кезінде, Д. А. Қонаевтың тұсында Қазақ КСР Сауда министрі болған, мемлекет және қоғам қайраткері Сұлтан Жиенбаевтың бірегей фотосуреттері, құжаттары, марапаттары және басқа да тарихи бұйымдары қойылған.