КРИК О ПОМОЩИ. Почему не арестован директор ЦОВП Кара-Суйского района Кадыр Аталиев, оставивший больных без мяса?..
КР Президенти, Коопсуздук Кеңешинин башчысы С.Н. Жапаровго
КР УКМК төрагасы К.К. Ташиевке
АЧЫК КАТ (Кара-Суу райондук ЖДПБ эмгек жамааты атынан)
Урматтуу Садыр Нуркожоевич!
Урматтуу Камчыбек Кыдыршаевич!
Биз Кара-Суу райондук Жалпы Даарыгерлер Практикалык Борборунун жамааты өзгөчө татаал кырдаалга туш келдик. Бул маселе биздин жетекчиликке Кадыр Аталиев келгенден баштап, курч алды. Биз медицина кызматкерлери негизги милдетибиз элдин саламаттыгын сактоого жумшоонун ордуна, ар бир күнүбүздө өз кызмат ордубузду сактап калуу менен алекпиз. Ачык айтканда жетекчиликке К. Аталиев келген күндөн тарта, көп жылдык тажрыйбага, кесипкөйлүккө маани бербей өз кызыкчылыгындагы адамдарын алып келуу үчүн, бизди опузалап коркутуп, арыз жаздырып кетируу менен алек.
Буга себеп көп жыл кызматы синген алдынкы 10 кызматкерди (Б. Арстанова, С. Абдыкадарова, Р. Жантөрөев, Б. Мусаев, М. Абдыкалыков, кампачы Чолпон аке, А. Тапвалдиев, М. Турсунова, М. Жороев, Г. Раманкулова) жүйөөлү себепсиз жумуш ордунан алып же кызматтан төмөндөттү. Ал боюнча текшеруу болду. Бирок, К. Аталиев иштен алган же кызматын төмөндөткөн бир да кызматкерлерден тергөөчүүлөр эч кандай көрсөтмө алышкан эмес. Текшеруу менен тергөө ошондой бир жактуу болобу?..
Бул маселеде жамаат кайрылганда, К. Аталиев аймактык келишпестикке алып келуучу сөздөрдү айткан: “Силерди кандай кылса да эч нерсе кыла албайсынар, колунардан эч нерсе келбейт”- деп текеберленип, эч кимди көзгө илбей келет.
Биз көп жыл иштеп турганда, эң жакшы кызматтарга: “Кара-Кулжалыктар татыктуу”- деп сөздүн нугун аны колдоочулары бар экенин билдирип, Саламаттыкты сактоо министри жердеши Баатырова Гульнара Маришовнага ишенип каттуу сүйлөп жатат. Айта кетуучу нерсе Кара-Суулуктардын эли жакпаса, эмнеге кызматы жакшы болуш керек? Ал эмес азыркы колдоочуусу министр Баатырова да ушул Кара-Суунун суусун ичип, 13 жыл жетекчилик кызматта отуруп, азыркы ийгилигине жетип отурат.
Ушул кызматтын артынан Баатырова Гульнара Маришовна чоң ийгилик эле эмес, материалдык байлык топтоп, өзгөчө мыйзамсыз мамлекеттик социалдык объект мүлктү өзүнүн же туугандарын жеке менчигине каттатып алууга да жетишкен. Буга мисал катары төмөнкү иштерди белгилеп кетсек болот:
Мисалга: Кара-Суу шаарынын борборунда 0,60 га жер тилкесинде мурда жайгашкан борборлоштурган ооруканасынын Тез жардам бекетин ҮМБ имаратына жылдырып, Тез жардам бекетин имаратын жана 0,60 га жер тилкеси менен жеке менчикке мыйзамсыз сатылып кеткен.
Ошондой эле, Кара-Суу шаарынын РТС көчөсүндө жайгашкан Кара-Суу районунун ҮМБ караштуу 0,4 га жер тилкеси менен 6 бөлмөлүү физиотерапия бөлүмү социалдык объектиси мыйзамсыз түрдө жеке менчикке өткөрүп алып, кийинчерээк сатып жиберген.
Маалыматтар боюнча ал социалдык объект Г. Баатырова же анын туугандарын атына мыйзамсыз жеке менчикке сатылган. Андан кийин анын орун басары Токтоназаров Нургазы жашап, ал да сатып жиберген. Орто жолдо Кара-Суу районунун ҮМБ Тез жардам бекети жана физиотерапия бөлүмү имараттарысыз жана жер тилкесиз калган.
Министр ордунда иштесе дагы жеке менчикке мыйзамсыз сатылып кеткен соцобъекттерди мамлекет менчигине кайтарбай, өзүнүн функционалдык милдеттерине шалаакылык мамиле жасап, ЖДПБ жамаатынын жана карапайым элдин нааразылыгына себеп болуп жатат.
Бул мыйзамсыз иштери муну менен эле чектелбей Мамлекеттик эки кызматта 2012-2013 жылдары КР Борбордук Шайлоо Комиссиясында мүчө болуп иштеп, бир эле учурда Кара-Суу райондук Үй-бүлөөлүк медицина борборун жетектеп турган, эки жумуштан айлык алып, финансылык иштерин каалагандай калчаган. Буга анын махинациялык иштерине кол алдындагы кассир Базаркулова Зинат (анын каймана аты «кошелёк») атуу кызматкери чоң көмөк көрсөткөн. Бул аркылуу алар мыйзамсыз мамлекеттин эсебинен миллондорду өз капчыгына пайдаланып жүргөн.
Бул акча негизинен кызматкерлердин маянасынын кошумча акчасы (КТУ, ОМС) эсебинен алынып турган. Андан сырткары, кассир Зинат Базаркулованын көмүскөдөгү ишканалары менен жасалма келишимдер тузуп, товардын ордуна накталай акчаларын алып турушкан.
Өз эжесинин жолун жолдоп, учурдагы жетекчибиз Кадыр Аталиев да ишти алга жылдыруучу иш аракеттер жүргүзбөй, анын ордуна жамаатка чуу салып, кызматкерлер арасында интрига жүргүзүп, кызмат алмаштыруу жана опузолоо менен алек.
Өзгөчө акыркы фактылар боюнча эле алганда: мыйзам негизинде отулуучу бейтаптардын тамак аш азыгына болгон тендер өткөрүлүп, ал жерде эт азыктарын алуу боюнча тендерден утуп алган этти кабыл албай, бейтаптарга бир жума бою этсиз тамак берилген. Анын себеби, өзүнүн адамы тендерден өтпөй калгандыгынан улам, тендерден уткан адамдан этти албай койгон. Себеби эжеси тузуп берген коррупциялык схеманы ишке ашырууга аракет жасап жатат.
Биз көп жылдык тажрыйбасы бар медицина кызматкерлери мындан ары кандай иш алып барууну, ишти жөнгө салууну билбей турабыз. Себеби учурда биз бул борбордо иштегендиктен, ачык кайрылып сизге чыга албай, кат аркылуу кайрылууну туура көрдүк.
Мындан сырткары, Министрдин кол баласы Кадыр Аталиев кызматка келгенде эле улуттар аралык кастыкты козутуп, Кызыл-Кыштак айыл аймагында Төрөт үйүн жабам, себеби: “Бул жерде Сарттар төрөбөсүн” - деп бул боюнча интернет-сайтта айылдык кеңештин депутаттарын кайрылуусу чыккан. Тилекке каршы, бул маселеге министр эч кандай чара колдонбоду, бул Аталиевдин келип: “Колунардан эч нерсе келбейт, мени министр колдоп турганда мени кызматтан эч ким бошото албайт”- деп отуруп калды.
Урматтуу Садыр Нуркожоевич! Урматтуу Камчыбек Кыдыршаевич! Сиздер аябай каттуу талап койгон коруппцияга бөгөт коюу саясатыңызды колдоп, көп жылдык коррупциялык схема менен иштеп жаткан бул кызматкерлерге чара көрүп жана кызмат ордун карап берүүнүздү суранабыз.
Кара-Суу районунун ЖДПБнын кысымга алынган эмгек жааматы