Руски Су-27 пресретна американски стратешки бомбардери над Балтикот

Бомбардерите полетале утринава од воздухопловната база Ферфорд во Велика Британија и се упатиле кон Балтичкото море и Полска, пренесува „Взгљад“.

„Руските витези“ ги покажаа можностите на новиот борбен Су-30СМ

Министерството за одбрана на Русија подоцна потврди дека Русија испратила еден авион-ловец Су-27 за да пресретне еден Б-52 над Балтикот, по што го придружувал сѐ до неговото оддалечување од границите на Русија.

„Екипажот на рускиот Су-27, откако се приближи до воздушниот објект на безбедно растојание, го идентификуваше како американски стратешки бомбардер Б-52 и го придружуваше“.

Авијацијата на САД и другите земји на НАТО редовно вршат извидувачки летови во близина на руските граници. Така, во средината на мај на границите на Калининградската област авиони на НАТО, САД и Шведска реализираа извидувачки летови.