ВКС на Русија ќе добијат повеќе од 100 нови авиони и хеликоптери во 2018

Воздушно-космичките сили (ВКС) на Русија планираат да добијат во 2018 година повеќе од сто нови авиони и хеликоптери. Ова за новинарите на Меѓународниот авиокосмички саем МАКС-2017 го изјави командантот на ВКС на РФ Виктор Бондарев.

Командантот на ВКС зборуваше за разработката на воените конвертоплани

„Ќе добиеме не помалку од оваа година. Повеќе од сто нови летала, плус модернизацијата и капиталниот ремонт на постојните. Многу добро се обновуваме“, изјави Бондарев, пренесува ТАСС.

Зборувајќи за новата државна програма за вооружување 2018-2025 година, командантот на Воздушно-космичките сили на Русија Виктор Бондарев потенцираше дека „авијацијата не ја навредија“.  

„Сите прекрасно знаат дека светот денес чекори по патот на развојот на авијациско-космичката компонента. Таму има нови технологии, развој, напредок. На крајот на краиштата, тоа влијае и на развојот на домашното стопанство, индустријата“, заклучи командантот на руските ВКС.