Во центарот на Омск откриена гробница на антички воин со бодеж во раката

Од зачуваните гробници тој издвоил две. Првата, судејќи според пронајдените предмети и атрибути (оружје, накит) претставува многу богат гроб на воин и датира од почетокот на првиот милениум пред нашата ера.

Според него, гробницата покажува ретка форма на погребување. Ставањето нож или бодеж во рака на покојниците е познато, но тие секогаш се интерпретирале како средство со кое можат да се поминат некои пречки на патот од еден свет во друг.

Ставањето на оружје во дланката во овој случај зборува за подготвеноста на воинот да се брани, да одврати нападот. На тој начин, според експертот, роднините можеле да му стават оружје бидејќи се плашеле дека на неговиот пат кон другиот свет може да наиде на непријатели од кои ќе треба да се одбрани.

„Генерално, гробницата е голема, има гробови од разни епохи од бронзеното доба до почетокот на железното, што ретко се сретнува во Омската област. Најдениот културен слој укажува на присуство на траги од живот на луѓе, но дали имало населба овде, засега е рано да се каже“, рече археологот.

Омските научници знаат за населби од тој период. Особеностите на култот на премин од еден во друг свет практично не се проучени.