Зошто руски функционери нарачаа 70 фиџет спинери?

Фиџет спинерите го освојуваат светот. Секој е опседнат со малите гаџети, од хипстерите до... службениците во Санкт Петербург. Да, една од градските општини и официјално нарача не помалку од 70 (само во случај - тие се ротирачките играчки со лежиште во центарот и мали тегови на три пропелери). Нарачката е објавена на веб-страницата за јавни набавки.

Судејќи според износот, тоа во никој случај не значи скапа набавка. Вкупно 7116 рубли (118,6 американски долари) ќе се потрошат (101,67 рубли/1,6 долари за една играчка), но руската јавност може да биде малку скептична со оглед дека има дупки на патиштата кои треба да бидат пополнети и поправки кои треба да се направат. Очигледно фиџет спинерите се потребни за специјална лотарија која е дел од јавна прослава.

И покрај фактот што играчките беа развиени во деведесеттите години, Русија и остатокот од светот одеднаш полудеа по нив во 2017 година. Осамени продавачи во подземните премини, бензински станици, мали продавници - секој сака да заработи од најновата забава.

Неодамна руската компанија за накит „Кавијар“ најави серија на луксузни спинери.  Најскапиот ќе биде направен целосно од злато и ќе се продава на мало за неверојатни 999000 рубли (16866 долари). Русите се надеваат дека службените лица од Санкт Петербург нема да добијат погрешна идеја...

Тапанари од Африка: што купуваат на тендер руските владини институции