Борбениот робот „Нерехта“ претставен на „Армија-2017“

„Во текот на демонстрацијата на можностите на најновата руска воена техника првпат пред странски набљудувачи беше спроведена показна борба меѓу роботот „Нерехта“, тенк Т-90 и борбено пешадиско возило (БМП K-17)“, соопшти прес-центарот на форумот.

Борбениот робот „Нерехта“ е дизајниран од Рускиот фонд за перспективни истражувања во партнерство со фабриката „Дегтјарев“ и е наменет за борба против оклопна техника.

Роботот има три модули: борбен, транспортен и за артилериско извидување. Борбениот модул во различни варијанти ќе биде вооружен со тешки митралези „Корд“ или „Калашников“.

Модулот може да биде опремен и со автоматски минофрлач АГ-30М и противотенковски ракетен систем, пренесува „Рамблер“.