GlobalFirePower со рејтинг на армиите: Русија втора, Македонија 122

Како што се наведува во образложението за рејтингот составен од страна на воените експерти, при рангирањето се зема во предвид не само вкупната количина на оружје, туку и неговата разновидност, бројот на живата сила на армијата и нејзината резерва, нивото на финансирање на воената сфера, транспортната инфраструктура на земјата, производството на нафта и други фактори кои влијаат на одбранбената способност на земјата.

Исто така се наведува дека земјите на НАТО имаат во рејтингот бонус поради „теоретската распределба на ресурсите“.

Анкета: 90% од руските граѓани горди на својата армија

Првото место на листата, според мислењето на воените експерти, го зазема армијата на САД, Русија е втора, додека трета е Кина.

Понатаму следуваат Индија, Франција, Велика Британија, Јапонија, Турција, Германија и Египет.

Армијата на Република Македонија го зазема 122 место. 

Вкупно во рејтингот се претставени 133 земји, пренесува „Взгљад“.