Бизнисмен од Санкт Петербург светски шампион во пушење пури

Победник на седмото Светското првенство меѓу пушачите стана бизнисменот од Санкт Петербург Александар Шагај, соопштува „Фонтанка.ру“. Cigar Smoking World Championship се одржа во хрватскиот град Сплит од 1 до 3 септември.

Мамурлак на советски начин: како се пиело пиво во СССР

Учесниците се натпреваруваа кој најдолго од сите ќе може непрекинато да пуши една пура. Русинот со резултат од 3 часа, 6 минути и 15 секунди постави светски рекорд. Наградата беше пехар со големина на оние кои им се даваат на победниците во фудбал или на тениски натпревари.

Според правилата на шампионатот, учесниците беа должни да ја исечат и да ја запалат пурата за една минута и со не повеќе од две кибритчиња. Во процесот на натпреварот беше дозволено да се пијат благородни алкохолни пијалаци. Мерката до која требаше се допуши пурата беше обележана со панделка.

Шагај, како што пишува изданието, вторпат стана освојувач на ова првенство. Истата титула ја има добиено и поранешниот пратеник во собранието на Санкт Петербург Игор Коровин, пишува „Лента.ру“.