Следната година исклучените од парно ќе бидат ослободени од паушалот

Владата денеска соопшти дека домаќинствата кои се исклучени од централното греење во Скопје во 2018 година ќе бидат ослободени од плаќање на паушалот. 


Владата наведува дека проблемот со кој се соочуваат граѓаните е предвидено да биде решен во рамки на новиот предлог Закон за енергетика.  


„Во подзаконските акти на Законот за енергетика што ќе се воведе во текот на 2018 година се предвидени специфични решенија, со кои во рамките на законската регулатива ќе се реши оваа наследена ситуација.“