Европската унија реши наскоро да го повика министерот за надворешни работи на Иран Мохамед Џавад Зариф во Брисел на состанок за неодамнешните протести во неговата земја, изјави синоќа шефот на германската дипломатија Зигмар Габриел. „Ние веднаш кажавме дека ја поддржуваме слободата на демонстрирање и оти државата тоа мора да го толерира“, рече Габриел за германската телевизија, додавајќи дека за разлика од Соединетите држави, Германија и Франција предупредија дека не треба да има обиди за искористување на ситуацијата во Иран.
