Најмалку 18 луѓе, од кои 14 странци, загинаа во нападот на хотелот Интерконтинентал во Кабул од страна на талибанците, но конечниот број може да биде поголем со оглед на големиот број повредени. Напаѓачите синоќа упаднале во хотелот по што следеше 12-часовна престрелка со безбедносните сили која беше завршена денеска. Најмалку тројца од напаѓачите се убиени, соопшти министерството за внатрешни работи. Повеќе од 150 луѓе биле ослободени од хотелот.
Талибанците ја презедоа одговорноста за нападот.
Првично беше објавено дека четворица напаѓачи биле вклучени во нападот. Тие најверојатно влегле низ кујната по што почнале да пукаат кон гостите, а потоа почнала борбата со авганистанските специјални сили, соопштуваат безбедносните власти.
