Американскиот претседател Доналд Трамп денеска изјави дека напаѓачот во средното училиште во Флорида бил „ментално пореметен“, но не го спомена прашањето за контрола на оружјето во САД. Тој и се обрати на нацијата еден ден откако 19-годишен поранешен ученик на тоа училиште влезе и уби 17 луѓе во училиштето. Полицијата го уапси напаѓачот Николас Круз, роден 1998 година. Трамп рече дека планира да помине еден викенд во Флорида, каде што ќе го посети училиштето во кое се случи нападот и ќе разговара со семејствата на жртвите и со локалните функционери, но не е објавен точниот датум на посетата.
