Порошенко: Русија води светска хибридна војна

Русија води "светска хибридна војна", изјави украинскиот претседател Петро Порошенко на Минхенската конференција за безбедност, која започна денеска, и го повика Западот да го зголеми притисокот врз Москва поради, како што рече, нејзиниот експанзионизам во Украина.


Тој во својот жесток говор на Конференцијата рече дека „заземањето на украинскиот полуостров Крим во 2014 година и поддршката на вооружените сепаратисти во источна Украина се претвора во широка офанзива против либералните демократски вредности на Запад“.


Порошенко ја обвини Москва дека поддржува и ултралевичарски и ултрадесни партии ширум светот и распоредува „армија од интернет-тролови за ширење дезинформации и за сеење раздор во Украина и на Запад.