Работена како прва претстава од годинaшната програма, Народниот театар од Битола, в сабота на 17 февруари премиерно ја изведе „Коцкар“ од Ф. М. Достоевски во режија на Дејан Пројковски. Во проектот, за кој се вели дека е „едно сизифовско пропаѓање до дното“, а чии ликови „се постојано меѓу рајот и пеколот“, играат Огнен Дранговски, Илина Чореска, доајенката на македонското глумиште Јоана Поповска и уште 13 актери на овој ансамбл.
