Американскиот потпретседател Мајк Пенс бил подготвен да се состане со официјални претставници на Северна Кореја при отворањето на Зимските олимписки игри во Јужна Кореја, но севернокорејската страна ја откажала средбата во последен момент, соопшти Стејт департментот. До објавувањето на ова соопштение, по над една недела од враќањето на Пенс во САД, немаше никакви најави дека бил планиран таков состанок. Вашингтон соопшти дека Пенс бил подготвен да ја искористи шансата при што би инсистирал Пјонгјанг да се откаже од својата нуклеарна програма. „Во последен момент преттавници на Северна Кореја решија да не се одржи состанокот“, рече портпаролката на Стејт департментот Хедер Нојерт.
