Најмалку 15 припадници на авганистанските безбедносни сили се убиени во борба со талибанските милитанти во западната провинција Фарах, соопштија локалните власти. Фарид Бактавар, шефот на локалниот совет, рече дека седум припадници на армијата и осум полицајци биле убиени во нападот на Талибанците наБела Булук во раните утрински часови. Тој рече дека најмалку уште тројца припадници на безбедносните сили се водат за исчезнати, а дека околу 30 милитанти се убиени во битката која заврши со воздушен напад. Портпаролот на Талибанците Забинула Муџхаид рече дека тие ја преземаат одговорноста за нападот.
