Бакир Изетбеговиќ ќе претседава со Претседателството на БиХ

Бошњачкиот член на Претседателството на БиХ, Бакир Изетбеговиќ од денеска ќе го преземе претседавањето со тимот на тричленото тело. По принцип на ротација, Изетбеговиќ на таа позиција ќе го замени хрватскиот член на Претседателството, Драган Човиќ.


Мандатот на претседавач на Претседателството на БиХ трае осум месеци. На Изетбеговиќ тоа ќе му биде и последен мандат во Претседателството на БиХ, Бидејќи во октомври оваа година во БиХ ќе се одржат избори на сите нивоа, а тој веќе нема право да се кандидира.