Русинката Марија Ефимова, по која е распишана меѓународна потерница и која е клучен сведок во истрагата за убиената новинарка од Малта Каруана Галиција, вчера е уапсена во Атина, откако претходно сама се предала во полициска станица на плоштадот Синтагма. Полицијата ја уапсила откако пронашла две меѓународни потерници кои ги издале Малта и Кипар поради обвиненија за проневера и измама.
Ефимова е изведена пред обвинител во Атина, кој и одредил притвор додека не се испита налогот за нејзина екстрадиција.
