Британскиот премиер Тереза Меј изјави дека на лидерите на ЕУ ќе им порача дека мора да се обединат за да се спротивстават на заканата од Русија која не почитува граници. При нејзиното пристигнување на самитот во Брисел таа изјави и дека труењето на поранешниот руски шпион Сергеј Скрипал во англискиот град Салсбери било дел од моделот на руската агресија против Европа. Медиуми јавија дека Меј ќе побара од Европскиот совет да ја осуди Русија за нападот на Скрипал и неговата ќерка со нервен гас.
