Протест во Скопје против протерувањето на руски дипломат од Македонија

Триесетина граѓани вечерва излегоа пред споменикот Воин на коњ на плоштадот во Скопје во знак на протест против протерувањето на руски дипломат од Македонија. Со македонска музика и руски и македонски знамиња тие изразија несогласување со владината одлука.


Министерот за надворешни работи Никола Димитров на денешната прес-конференцијата со неговата австриска колешка Карин Кнајсл изјави дека одлуката за протерување на рускиот дипломат од земјата ја донеле по внимателно размислување и анализа и поради две причини- да се покаже солидарност со Британија, поради труење со хемиско оружје на поранешниот руски двоен агент и бидејќи протераниот дипломат излегол од својот мандат.


Тој тврди дека протераниот дипломат се обидел да добие класифицирани информации важни за безбедноста на Македонија.