Владата нема најава за мерки од Русија по протерувањето дипломат

Портпаролот на Владата, Миле Бошњаковски на денешната прес-конференција изјави дека нема најава за реципрочни мерки од страна на Москва по протерувањето на руски дипломат од Македонија.


„Во моментов нема ништо ново. Нашата одлука вчера ја објаснија и министерот за надворешни работи Никола Димитров и премиерот Зоран Заев и сметаме дека се запазени и согласно дипломатски процедури и виенската конвенција и постапено е како што налагаат законите на Република Македонија“, рече Бошњаковски.