Путин инаугуриран за претседател на Русија

Рускиот претседател Владимир Путин денеска положи заклетва на функцијата на церемонијата во Кремљ. Путин на претседателските избори во март доби 76 насто од гласовите и се избори за нов шест годишен мандат.


На инаугурацијата и претходеа демонстрации против Путин во саботата во Москва и во други градови на Русија, а кои се одржаа на повик на опозиционерот Алексеј Навални под паролата „Тој не е цар“. Тогаш беа приведени околу илјада и шестотини луѓе. По инаугурацијата Владата автоматски поднесува оставка, а Путин со указ именува мандатар за состав на нова влада.