Фатена поголема група мигранти во струмичко

Дваесет и пет мигранти од Пакистан изутрината биле фатени во близина на струмичкото село Костурино откако половина час по полноќ во полицијата било пријавено дека непознати лица ги товарат во две патнички возила.


Како што информира МВР, полициски службеници излегле на местото и го пронашле возилото „Форд Галакси“ со англиска национална ознака, кое било празно и без клучеви. Во непосредна близина на возилото биле откриени мигрантите.


Веднаш потоа, во близина на местото, полициските службеници го стопирале и второто возило („БМВ“ со радовишки регистарски ознаки), кое, исто така, било пријавено. Возилото го управувал А.А. (32), а сопатник бил Ш.Е. (25), двајцата од радовишкото село Калаузлија.


Се преземаат мерки за расчистување на случајот.