Грчки владин претставник: Изгледа се оддалечува можноста за договор следните денови

По сè изгледа се оддалечува можноста за договор во следните денови за решавање на спорот со името, коментира претставник на грчката влада, јави агенцијата АНА-МПА.


Како што јави дописничката на МИА од Атина, според истиот владин претставник се оддлечува и можноста за телефонски разговор меѓу премиерите Зоран Заев и Алексис Ципрас.


„ПЈРМ очигледно сè уште не е подготвена да се одговори на она што беше договорено во Брисел меѓу двајцата министри за надворешни работи. Според тоа, можноста за договор во текот на следните денови се чини дека се оддалечува. Веројатно се оддалечува и телефонскиот разговор на двајцата премиери“, коментира претставникот на грчката влада, чие име не се наведува.