Возачите во неколку градови во Србија, меѓу кои во Белград, Нови Сад, Крагуевац, Ниш, околу 17 часот денеска застанаа со своите автомобили во знак на протест поради високите цени на горивата. Тие, како што се јавува, блокирале повеќе улици и мостови во Белград. Граѓаните, кои се организираа на социјалните мрежи, бараат новите цени на горивата да не бидат повисоки од околу едно евро за литар.
