Спасовски - Нема да има амнестии

Министерот за внатрешни работи и потпретседател на СДСМ, Оливер Спасовски изјави дека никој не треба да се надева на амнесија за сторениот криминал.


„Сакаме правда за сите и секој што се огрешил да одговара за стореното во транспаретни постапки. Никој нека не се надева на амнестија, туку да се соочи со правдата за она што го направил и тоа е европска вредност и правда мора да има за сите“, рече Спасовски при денешната посета на Гостивар, каде се сретна со граѓани.


Лидерот на ВМРО-ДПМНЕ, Христијан Мицкоски пред неколку денови во гостување на телевизија рече дека пред органите на партијата ќе предложи да се изготви закон за амнестија на осудените лица од настаните од 27 април во Собранието, а потоа законот ќе биде предложен пред пратениците.